How can we help?

Íoslódáil ár n-aip le do thoil ón Google Play nó ón App Store.  Má tá aon cheist agat faoin aip déan teagmháil, le do thoil, le Digital@irishrail.ie 

Is í an aidhm atá againn ná an Aip Cúnaimh Paisinéirí seo a leathnú chuig na seirbhísí iarnróid go léir má éiríonn léi.  Roghnaíodh an córas DART don tionscadal píolótach toisc nach bhfuil ach 2 treolíne aige (Thuaidh & Theas), tá sé laistigh de limistéar geografach srianta, níl ach achair ghearr idir na stáisiúin, agus déantar líon ard turas inrochtaineachta ann gach lá.

• Beidh ort do spéis sa triail a chlárú ar dtús chun bheith mar chuid de phainéal úsáideoirí go huathoibríoch. 
• Beidh ball ár bhfoirne tionscnaimh i dteagmháil leat le tuilleadh eolais.
• Roghnófar roinnt ball den phainéal úsáideoirí ansin chun an aip fhréamhshamhail a thástáil, iarrfar ort ansin freastal ar cheardlann réamhrá a chinnteoidh go dtuigeann tú an chaoi ar a oibríonn an aip agus céard atá riachtanach. 
• Iarrfar ort turais rialta a dhéanamh ar an DART mar a dhéanann tú de ghnáth, ag baint úsáide as an aip chun cúnamh a chur in áirithe.
• Iarrfar ort an t-eispéireas a mharcáil ar an aip ag deireadh gach turais agus aon aiseolas a thuairisciú. 
• Tá seans ann go n-iarrfar ort dul i mbun ceardlanna forbartha breise leis an bhfoireann tionscnaimh ar feadh na tréimhse tástála. (cuirfear é seo in iúl duit roimh thús na tréimhse trialach). 

Aon turas idir dhá stáisiúin DART de réir do phatrúin úsáide iondúla, ag baint úsáide as an aip chun cabhair a chur in áirithe.

Níort cheart. Ba mhaith linn cumas na haipe a thástáil chun cúnamh a iarraidh agus turais a thaifeadadh. Deimhneofar d’iarratas ar chúnamh tríd an aip. 

Beidh oibreoirí ag gach stáisiún DART ag tástáil freisin Aip Cúnaimh Paisinéirí a bhaineann go sonrach le bainistiú iarratais a thagann isteach. 

Beidh Ní ghlacfaidh roinnt paisinéirí a dteastaíonn cúnamh uathu páirt sa triail seo agus dá bhrí sin beidh féidearthacht ann áirithintí a dhéanamh trí ghlaoch ar stáisiún mol atá laistigh de chrios.

• Beidh ort úsáid d’iPhone féin a bheith agat. (iPhone 5s/6 nó níos úire) 
• Beidh ort a bheith ar do shuaimhneas ag baint úsáide as aip chun eolas a fháil agus chun an chabhair a theastaíonn uait ar do thurais a chur in áirithe.
• Ba cheart duit taithí rialta a bheith agat ag taisteal leis an DART.

Trí aontú páirt a ghlacadh, tuigeann tú agus aontaíonn tú gur féidir linne (Iarnród Éireann agus ár gcomhpháirtí cruthaitheach Publicis Dublin) do shonraí a stóráil agus a phróiseáil ar an mbealach seo a leanas:

Sonraí

D’ainm, do sheoladh, do ríomhphost, d’uimhir fóin, eolas turais (dáta, uair agus stáisiúin an turais san áireamh) agus stádas an turais (i bhfoirm nuashonrúcháin GPS, an chaoi a úsáideann tú an aip, agus aon aiseolas a chuireann tú ar fáil faoi thurais ar leith nó faoi d’eispéireas ar an iomlán.

Cén fáth?

Chun an triail a chomhordú, cumarsáid a dhéanamh leat le linn na trialach, cinntigh go bhfuilimid ar an eolas faoi cá bhfuil na paisinéirí le linn na trialach, deimhnigh go bhfuil gach stáisiún DART á thástáil againn sa triail, seiceáil a dhéanamh ar na leibhéil seirbhíse i ngach am den lá/seachtain, creidmheas taistil a sholáthar duit (más gá) agus tú a chur ar an eolas faoi dheiseanna tástála/trialach breise don aip seo. 

Cé mhéad ama?

Suas le bliain tar éis dheireadh na trialach tosaigh. 

Cá háit?

Ar fhreastalaithe slána in Éirinn.  Bainfidh an córas úsáid as na caighdeáin criptithe is déanaí agus beidh an tionscadal ar fad i gcomhréir le GDPR.  Ní roinnfear na sonraí le tríú páirtithe. 

Beidh ar Iarnród Éireann agus Publicis Dublin do shonraí a stóráil agus a phróiseáil chun rochtain ar an aip don triail a éascú, agus chun torthaí an tionscadail a chinneadh.  Iarrfaimid ort do chead a dheimhniú le téarmaí uile na trialach (lena n-áirítear an chaoi a bpróiseálfar do shonraí) sula mbeidh rochtain agat ar an aip. .

Chun páirt a ghlacadh sa triail deimhníonn tú nach ligfidh tú d’aon duine eile an aip a úsáid ná nach dtabharfaidh tú do shonraí le logáil isteach d’aon duine eile (teastaíonn uainn fios a bheith againn conas a úsáideann duine aonair an aip, ní grúpaí daoine).  Deimhníonn tú freisin nach roinnfidh tú do thuairimí, do thaithí ná aon fhaisnéis a gheobhaidh tú trí pháirt a ghlacadh le haon duine eile.  Áirítear leis seo na meáin, cuideachtaí oibriúcháin traenach eile agus na meáin shóisialta. 

Clúdófar. Mura bhfuil cárta Seirbhíse Poiblí Saorthaistil agat, cuirfimid cárta Leap agus creidmheas taistil ar fáil duit ar DART don tréimhse trialach.
 

Má chuirtear moill ar do thraein, beidh aon chúnamh a cuireadh in áirithe fós ar fáil, mura gcuirtear a mhalairt in iúl. San aip, beidh tú in ann d’fhreastal féin a chur ar ceal, chomh maith le fógra a fháil maidir le hathruithe ar an tseirbhís. 

Cuirfear in iúl do Mháistir-Mhol aon chur isteach a d’fhéadfadh briseadh seirbhíse a bheith mar thoradh aige do dhuine a bhfuil cúnamh ag teastáil uaidh (roimh dó bordáil nó le linn an turais).  Déanfaidh oibrí ón Máistir-Mhol seo teagmháil go díreach leat ansin chun teacht ar an réiteach is fearr. 

Má théann rud éigin mícheart leis an aip í féin, beidh rochtain agat ar r-phost lena mbeidh tú in ann aiseolas a thabhairt don fhoireann forbartha.

Beidh uimhreacha gutháin na stáisiún moil ar fáil freisin, mar sin beidh tú fós in ann cúnamh a chur in áirithe de láimh nó teagmháil a dhéanamh le hoibrí.  Ina theannta sin beidh rochtain agat ar uimhir theagmhála ar leith i gcás éigeandála.