How can we help?

Is féidir cathaoireacha a chur in áirithint ar fhormhór na dtraenacha Idirchathracha:

• Ar líne ag http://www.irishrail.ie/ - féach ar an treoir céim ar chéim maidir le ceannach ar líne
• Leis an Ionad Teagmhála do Chustaiméirí (0)1 836 6222
• Ag Stáisiúin Idirchathracha áirithe
• Tá ticéid ar fáil chomh maith ó Ghníomhairí Taistil áirithe

Molann Iarnród Éireann do chustaiméirí ticéid a cheannach roimh ré chun scuainí a laghdú ag na buaicamanna.

Is féidir ticéid mic Léinn/Daoine Fásta/Leanaí agus Áirithint Suíocháin Amháin a chur in áirithint ar líne, ag braith ar an soláthar agus i ndáil leis na téarmaí agus coinníollacha atá ag baint le gach ticéad agus táille. Féach ar an treoir céim ar chéim maidir le ceannach ar líne  nó ar Eolas maidir le Ticéid Ar Líne  le haghaidh tuilleadh eolais. 

I gcásanna áirithe amhail mórimeachtaí spóirt ní bheidh ticéid ar fáil ach amháin má chuirtear in áirithint iad agus is gá ticéid a cheannach roimh ré.

Áirithintí a rinneadh Ar Líne/Ar an bhFón:

• cártaí creidmheasa / dochair Visa
• cártaí creidmheasa / dochair Mastercard

Is féidir áirithint taistil a dhéanamh suas le 90 lá roimh ré ó lá na híocaíochta. Déantar sin le cinntiú go mbeidh na seirbhísí atá roghnaithe agat ag oibriú mar is gnáth.

Tabhair faoi deara nach mbeifear in ann áirithint a dhéanamh ó ar a laghad 90 nóiméad roimh don traein imeacht ón gcéad stáisiúin. (D’fhéadfadh an méid sin athrú gan fógra).

Tabhair faoi deara, le do thoil, gur féidir nach bhfuil tú in ann do thraein a chur in áirithe, nó gur féidir go bhfeictear teachtaireacht DÍOLTA AMACH, as ceann de na cúiseanna seo:

• Dúnfar áirithintí ar líne 90 nóiméad sula bhfágann traein an bunstáisiún 
• Seans nach bhfuil sé indéanta roinnt turas trasbhealaigh a chur in áirithe.  Déan teagmháil linn le do thoil mura bhfuil do chomhcheangal de bhunstáisiún agus ceann scríbe InterCity ar fáil le cur in áirithe 
• Ní féidir seirbhísi DART ná Comaitéireachta a chur in áirithe ar líne
• Níl áirithintí ar líne ar fáil ach 90 lá roimh ré

Tá réimse leathan roghanna maidir le ticéid againn, lena dtugtar leibhéil éagsúla solúbthachta duit. Le ‘Táille Solúbtha’ is féidir athruithe nó cealú a dhéanamh ar líne suas le 90 nóiméad roimh imeacht mura ndearnadh an ticéad a phriontáil.

Mura mbeidh custaiméirí cinnte maidir lena bpleananna fillte, moltar do chustaiméirí dhá áirithint éagsúla a dhéanamh ós rud é go bhféadfadh dhá chéim an turais a bheith san áireamh ar an ticéad fillte céanna.

Le haghaidh tuilleadh eolais maidir leis na roghanna éagsúla atá ar fáil i ndáil le ticéid, cliceáil anseo: Míniú ar Thicéid  

Níl ticéid den Chéad Ghrád ar fáil ach ar sheirbhísí i gCorcaigh agus ní ar sheirbhísí díreach go dtí Luimneach nó go dtí Trá Lí.

Más ag taistil go dtí/ó Luimneach atá tú, féadfaidh tú leas a bhaint as an gCéad Ghrád idir Gabhal Luimnigh agus Baile Átha Cliath Heuston ar sheirbhísí a bhfuil athrú go dtí traein eile i gceist leo. 

Más ag taisteal go dtí/ó Thrá Lí atá tú, féadfaidh tú leas a bhaint as an gCéad Ghrád idir Mala agus Baile Átha Cliath Heuston ar sheirbhísí a bhfuil athrú go dtí traein eile i gceist leo. 

Agus ticéad á cheannach, moltar do chustaiméirí gnáth-thicéad a cheannach ó Luimneach nó Trá Lí go dtí/ó Bhaile Átha Cliath Heuston, chun deimhin a dhéanamh de go roghnófar seirbhís a mbeidh aistriú go dtí traein eile i gceist leis. Ansin féadfaidh tú ‘Uasghrádú go dtí an Chéad Ghrád’ a cheannach ag an Stáisiún nó Ar Líne ar phraghas €12.50, chun taisteal sa Chéad Ghrád idir Gabhal Luimnigh nó Mala go dtí/ó Bhaile Átha Cliath Heuston.

Chun an tUasghrádú go dtí an Chéad Ghrád a cheannach ní mór ach ‘Áirithint amháin' a roghnú,  agus ‘Lean ar Aghaidh’ a chliceáil. Nuair a bheidh na torthaí críochnaithe ag lódáil, beidh an ‘Uasghrádú Chéad Ghrád’ le feiceáil. Déan deimhin de go roghnaíonn tú an tseirbhís cheanna ó Luimneach nó Trá Lí go dtí/ó Bhaile Átha Cliath Heuston mar a roghnaigh tú i gcéaduair

Tá roinnt cúiseanna ann nach mbeidh tú in ann turas atá roghnaithe agat a chur in áirithint.  Seo thíos roinnt de na cúiseanna nach bhfuil ticéid ar fáil - 

1. Tá na ticéid atá uait (Táille Íseal, Táille Leath-Sholúbtha agus Táille Sholúbtha) díolta amach ar líne.
2. Tá dáta na háirithinte atá roghnaithe níos mó ná 90 lá sa todhchaí. Ní féidir áirithint a dhéanamh ach suas le 90 lá roimh ré.
3. Tá an t-iarratas ar áirithint á dhéanamh níos lú ná 60 nóiméad sula n-imeoidh an traein.
4. Tá an chéad stáisiún nó an stáisiún cinn scríbe atá roghnaithe agat sa cheantar bruachbhailteach agus d’fhéadfadh sé tarlú nach mbeifear in ann iad a chur in áirithint ar líne. Ba cheart ticéid do na láithreacha sin a cheannach ag do stáisiún áitiúil ag an oifig thicéad nó ag an meaisín ticéad (MT)
5. D’fhéadfadh sé tarlú nach bhfuil na dátaí sin ar fáil mar gheall ar oibreacha innealtóireachta atá beartaithe. A luaithe is a fhoilseofar an sceideal athbhreithnithe beidh na seirbhísí sin ar fáil arís.
6. Tá fadhb teicniúla ann leis an gcóras áirithinte.

Le haghaidh tuilleadh eolais déan teagmháil le hAonad na gCainéal Digiteacha nó leis an bhFoireann um Chúram Custaiméirí.
 

Cuirtear na nithe seo a leanas in iúl do chustaiméirí agus iad ag taisteal ar sheirbhísí DART, Iarnróid Éireann | Irish Rail, Seirbhísí Comaitéireachta agus Idirchathracha.

Taisteal ar Iarnród Idirchathrach le hIarnród Éireann Irish Rail
Taispeáin do Chárta Seirbhísí Poiblí/Cárta Saorthaistil ag deasc ticéad agus eiseófar ticéad taistil duit. Bain úsáid as an ticéad seo le dul tríd na geataí, le do thoil.
 
Taisteal i Zón na dTuras Gairid ar Sheirbhísí DART agus Comaitéarachta Iarnród Éireann Irish Rail. (féach ar an léarscáil)
Tadhaill do chárta ag geata/meaisín nó cuaille Smartcard agus tú ag dul isteach agus ag imeacht ó na stáisiúin nó na hardáin. Ní mór duit do charta a thadhaill ar gheata/mheaisín nó cuaille Smartcard ag tús agus ag deireadh do thuras. 
 
Ag taisteal go Thuaisceart Éireann
Ba cheart do shealbhóirí Pas Saorthaistil a gCárta Saorphas/PSC a chur i láthair Oifig na dTicéad chun ticéad taistil a fháil.

Seirbhísí Speisialta
Níl Cártaí Seirbhíse Poiblí/Pasanna Saorthaistil bailí ar Sheirbhísí Speisialta

Téarmaí agus Coinníollacha Taistil
Tabhair faoi deara le do thoil - Ní féidir leat leas a bhaint as Saorthaisteal ach amháin má tá Cárta Seirbhísí Poiblí bailí agat nó Pas Saorthaistil bailí i do sheilbh agat. 

Nuair a iarann cigire ticéad nó tiománaí ort do Chárta/Pas a thaispeáint agus ní thaispeánann tú é, nó nuair nach gcomhlánann tú na treoracha a thugtar duit, d'fhéadfaí iarraidh ort táille a íoc as an turas nó d'fhéadfaí fógra pionóis seasta a eisiúint duit.
 

PDF barcode/QR ticketing solution is now available across all online ticket options except Belfast services. Tá roghanna chun an ticéad a chur le do sparán digiteach / gléas á scrúdú le haghaidh forbartha.