Comórann an Enterprise 75 bliain den nasc idir Baile Átha Cliath agus Béal Feirste

11 Lúnasa 2022

Taispeántais le feiceáil i Stáisiún Uí Chonghaile i mBaile Átha Cliath agus i bPlás Lanyon Bhéal Feirste chun seirbhís agus stair shóisialta an Enterprise a chomóradh.

Tá stair shaibhir ag an tseirbhís traenach Enterprise agus chun ceiliúradh a dhéanamh ar an 75 bliain den seirbhís iarnróid tá taispeántas curtha le chéile ag Iarnród Éireann agus Iarnróid Thuriasceart Éireann, Translink lena n-áiritear grianghraif den traein, de na custaiméirí agus den fhoireann thar na blianta. Tá an taispeántas le feiceáil anois i Stáisiún Uí Chonghaile agus i bPlás Lanyon. 

Ar 10.30am, an 11 Lúnasa, 1947, chuaigh an chéad seirbhís traenach Enterprise ó Bhéal Feirste go Baile Átha Cliath, na traein gaile seacht gcarráiste arna oibriú ag Mór-Iarnród an Tuaiscirt (Éire).  

Is éard a bhí i gceist leis an gcéad bhliain agus é i mbun seirbhíse ná traein amháin ag taisteal i ngach treo, agus bhíothas a rá faoi gurb é seoladh an Enterprise an tús den ré nua i dtaisteal iarnród trasteorann agus an dhá chathair a nascadh lena chéile.   Inniu, 75 bliain ina dhiaidh sin, tá éileamh paisinéirí an Enterprise ar an mbealach chun a bheith níos airde ná mar a bhí riamh roimhe seo, le 16 traein gach lá, 8 dtraein sa treo.  

Ó thaobh na hoibríochta de, is iomaí garspriocanna a bhí ann thar na blianta, ar nós carranna díosail iarnród in ionad innill ghluaiste gaile, athchóirithe móra agus uuasghráduithe ar an iarnróid. Ach bhí tionchar ag an gcomhthéacs stairiúil ar nós na Trioblóidí agus Gluaiseacht Shaoirse na mBan in Éirinn ar scéal an Enterprise chomh maith.   

Anois á oibriú ag Iarnród Éireann agus Iarnród Thuaisceart Éireann, Translink. tugtar breac-chuntas sa Phlean Forbartha Straitéisí don Enterprise ar uaillmhianta maidir le forbairt na seirbhíse, mar shampla, flít nua a sholáthar, leictriú líne agus roghanna chun amanna turais a fheabhsú.  

Ag comóradh 75 bliain den Enterprise, dúirt Jim Meade, Príomhfheidhmeannach Iarnród Éireann: "Tá stair shaibhir agus allabhrach ag an seirbhís Enterprise. Táim cinnte go mbainfidh custaiméirí an-taitneamh as an taispeántas atá le feiceáil anois i bPlás Lanyon agus i Stáisiún Uí Chonghaile. Is cónascaire lárnach eacnamaíoch agus sóisialta í an traein Enterprise do mhuintir Bhaile Átha Cliath, Bhéal Feirste agus na stáisiúin idir eatarthu agus táimid ag súil le 75 bliain eile d’oibríochtaí rathúla."

Dúirt Príomhfheidhmeannach an Ghrúpa Translink, Chris Conway : "Inniu, déanann muid ceiliúradh ar an seirbhís, ar an bhfoireann agus ar na custaiméirí thar na blianta.   Cibé cúis taistil a bhí agat, bhí an Enterprise ann chun muid a nascadh le teaghlaigh, le cairde agus le deiseanna."

"D'éirigh leis an Enterprise teacht chun cinn le himeacht ama an nascacht idir Béal Feirste agus Baile Átha Cliath a fheabhsú le teacht aniar, neart agus a seacht ndícheall a thaispeáint ar an mbealach.  Gabhaim buíochas le gach duine a mhúnlaigh aistear an Enterprise agus táimid ag súil lenár bpleananna uaillmhianacha a chur ar fáil chun  todhchaí na príomhsheirbhíse iarnróid trasteorann a chinntiú."