An Turas Abhaile
26 Samhain 2025
An Turas Abhaile: Oíche Cheol Tíre le haíonna speisialta, Martin Hayes, Tempest Ceol agus Padraig Jack.
Tá Iarnród Éireann bródúil as leanúint le tacaíocht a thabhairt do Focus Ireland don Nollaig 2025 le hócáid an-speisialta a bheidh ar siúl san ionad álainn, Ardeaglais Theampall Chríost, Baile Átha Cliath i mí na Nollag.
An Turas Abhaile: Oíche Cheoil Tíre agus Thraidisiúnta le haíonna speisialta, Martin Hayes, Tempest Ceol, Padraig Jack and Sinéad Ní Uallacháin Déanfaidh an Ócáid dhátheangach (Gaeilge agus Béarla) seo Déardaoin, an 4 Nollaig ceiliúradh a dhéanamh ar chumhacht an cheoil chun feasacht agus tacaíocht a ardú dóibh siúd atá gan dídean in Éirinn.
Le 16,353 duine ina gcónaí i gcóiríocht éigeandála, lena n-áirítear 2,391 teaghlach agus 5,145 leanbh, ná caill an deis seo difríocht a dhéanamh. Bí mar chuid den oíche speisialta seo a dhéanfaidh ceiliúradh ar aontacht, ar chomhbhá agus ar thacaíocht chun airgead ríthábhachtach a thiomsú d'obair leanúnach agus do sheirbhísí riachtanacha Focus Ireland.
Tá an t-imeacht seo ar cheann de roinnt tionscnamh tiomsaithe airgid a bhíonn ar siúl i rith mhí na Nollag i Stáisiúin agus mar chuid de sheirbhísí Iarnród Éireann mar chuid den gcomhpháirtíocht le Focus Ireland, atá naoi mbliana ar an bhfód. Tá breis agus €500k bailithe mar thoradh ar obair Iarnród Éireann le Focus Ireland chun tacú le seirbhísí riachtanacha chun dul i ngleic leis an easpa dídine.
Beidh na ticéid don Turas Abhaile ar díol Eventbrite https://AnTurasAbhaile-TheJourneyHome.eventbrite.ie
Dúirt Mary Considine, Príomhfheidhmeannach Iarnród Éireann:
“Ciallaíonn ár gcomhpháirtíocht sheanbhunaithe le Focus Ireland ag an am seo den bhliain gur féidir linn tacú le hiarrachtaí Focus Ireland chun dul i ngleic le heaspa dídine, ag tréimhse nuair a bhíonn go leor daoine ag taisteal abhaile linn don Nollaig. Chomh maith leis sin, cuirfidh sé deiseanna ar fáil dár gcustaiméirí chun tacú le Focus Ireland trí ghníomhaíochtaí stáisiúin, i mbliana, déanann An Turas Abhaile ceiliúradh ar na healaíona trí cheol tíre agus Gaelach, agus tríd an nGaeilge, mar chuid dár móriarrachtaí chun tacú leis an gcruthaitheacht sa phobal agus ár soláthar seirbhísí trí Ghaeilge a mhéadú.”
Dúirt Lorraine Toner, Ceannasaí ar Thiomsú Airgid Pobail Náisiúnta:
"Le breis agus milliún duine ag taisteal abhaile in aghaidh na seachtaine ar an traein ón obair nó turas siopadóireachta, tá siad ag déanamh turais abhaile. Turas nach féidir le gach duine in Éirinn a dhéanamh toisc go bhfuil an oiread sin daoine gan dídean. Tá Focus Ireland, le tacaíocht Iarnród Éireann, tiomanta dá athrú."
Dúirt sí:
"Tá níos mó ná 16,000 duine gan dídean anois, agus tá sé an-choscrach go bhfuil níos mó ná 5,100 dóibh siúd ina bpáistí. Ní mór dúinn a chuimhneamh i gcónaí go bhfuil fíordhaoine i gceist sna staitisticí scanrúla seo, daoine a dteastaíonn ár gcabhair uathu chun teach a fháil chun a bheith mar bhaile acu. Beidh oíche iontach againn ag an gceolchoirm agus cabhróidh sé go díreach le hobair Focus Ireland."
Le haghaidh tuilleadh eolais ar an imeacht, déan teagmháil le -https://AnTurasAbhaileTheJourneyHome.eventbrite.ie
