Comhairliúchán Poiblí

Bileog Chomhairliúchán Poiblí 1  

Bróisiúr Chomhairliúchán Poiblí 1  

Bróisiúr Chomhairliúchán Poiblí 1 - As Gaeilge 

Íoslódáil an Fhoirm Freagartha Chomhairliúchán 

Líníochtaí Theorainn an Bhealaigh is Dealraithí a Roghnófar  

Léarscáil idirghníomhach an Bhealaigh is Dealraithí a Roghnófar 

Réamh-thuairisc ar Roghnú na Rogha

Is é atá i gceist le hIarnród na hUaimhe ná síneadh molta ar ghréasán iarnróid Iarnród Éireann idir an Uaimh agus Lár Chathair Bhaile Átha Cliath trí Ollpháirc M3.  

Tá an tionscadal á fhorbairt d’fhonn nascacht iompair phoiblí a fheabhsú, chun tacú le fás an daonra agus le fás eacnamaíoch amach anseo, agus chun spleáchas a laghdú ar charranna príobháideacha. Chomh maith leis sin tabharfar tacaíocht leis do chuspóirí beartais náisiúnta, réigiúnacha agus áitiúla níos leithne lena n-áirítear dícharbónú, nascacht réigiúnach agus fás dlúth. 

Tá an tionscadal á fhorbairt agus á chur i gcrích ag Iarnród Éireann. Is é an tÚdarás Náisiúnta Iompair an t-údarás faofa don tionscadal ag an gcéim seo. 

Is é an Bealach is Dealraithí a Roghnófar an chonair leathan ina ndéanfaí an t-iarnród atá molta mar aon le stáisiúin, páirceáil agus bonneagar gaolmhar eile a láithriú. Ní hionann é agus an dearadh deiridh. Seo é an bealach atá a chur i láthair ar mhaithe le comhairliúchán agus beachtú breise. 

Tá an chonair a sainaithníodh thart ar 34km ar fad agus nascann sé an Uaimh agus Ollpháirc M3. 

Is féidir. Tá an comhairliúchán poiblí reatha ag tarlú roimh thabhairt i gcrích an bhealaigh. Beidh aiseolas ón bpobal, obair dheartha bhreise agus staidéir timpeallachta agus measúnuithe teicniúla uile ina gcuidiú le heolas a dhéanamh don Bhealach Roghnaithe.

Breithníodh go leor roghanna féideartha maidir le hIarnród na hUaimhe. Rinneadh na roghanna sin a mheasúnú trí phróiseas láidir céim ar chéim. Cuireadh tús leis an tionscadal seo trí fhadliosta de roghanna féideartha iompair phoiblí. Cruthaíodh gearrliosta ó na roghanna leis an scór is airde ar a ndearnadh anailís ní ba ghrinne agus lenar cuireadh na nithe seo a leanas san áireamh:

• Dearadh innealtóireachta   
• Costais mhionsonraithe  
• Réamhaisnéisiú um éileamh paisinéirí  
• Meastóireacht timpeallachta agus eacnamaíoch  
• Uirlisí eile amhail Anailís Costais is Tairbhe (ACT), Anailís ar Chost-éifeachtúlacht (ACÉ), agus Meastóireacht Iompair agus Inrochtaineachta (MII) chun luach ar airgead agus tairbhí a mheasúnú.  
• Is é an Bealach is Dealraithí a Roghnófar, lena n-áirítear láithreacha stáisiún, an rogha ghearrliostaithe a roghnaíodh tar éis an phróisis sin.  

Leis an mbealach atá molta athúsáidfear cuid mhaith den iarnród as úsáid a dúnadh sna 1960idí. Ach bogann an líne ón mbealach stairiúil in áiteanna áirithe, áfach, chun tionchar ar fhorbairtí a sheachaint a tógadh ó dhúnadh an iarnróid agus d’fhonn stáisiún a thabhairt níos deise do Dhún Seachlainn. Tá an Bealach is Dealraithí a Roghnófar d’Iarnród na hUaimhe i gcomhréir freisin le srianta pleanála, innealtóireachta agus timpeallachta na linne seo. 

Cuirfear go leor tairbhí ar fáil le tionscadal Iarnród na hUaimhe, lena n-áirítear:  

• DART+ a shíneadh chuig an Uaimh le seirbhísí traenach rialta agus ardtoillte paisinéirí 
• Ag nascadh pobal feadh an bhealaigh le gréasán iarnróid na hÉireann atá comhtháite agus ag méadú. Is í an Uaimh an baile is mó in Éirinn nach bhfuil suite faoi láthair ar an ngréasán iarnróid.  
• Fás sóisialta agus eacnamaíoch amach anseo a éascú i gceantar an tionscadail  
• Roghanna iompair inbhuanaithe a spreagadh agus spleáchas ar charranna príobháideacha a laghdú  
• Rochtain ar sheirbhísí a fheabhsú do phobail feadh an bhealaigh agus taisteal go Co. na Mí ar an traein a spreagadh  

Is é cuspóir uileghabhálach thionscadal Iarnród na hUaimhe rogha iompair phoiblí a chur ar fáil atá rialta, iontaofa, comhtháite, inbhuanaithe agus tarraingteach. Is í aidhm an tionscadail freisin rogha iompair phoiblí a sholáthar lena gcuirtear nascacht shábháilte le hardtoilleadh paisinéirí ar fáil idir an Uaimh, Ceantar Mhórthimpeall Bhaile Átha Cliath agus na ceantair uirbeacha atá eatarthu.  

Áirítear na nithe seo a leanas le fo-chuspóirí an tionscadail:

• Ag tacú le fás dlúth, 
• Spleáchas ar charranna agus plódú tráchta a laghdú, 
• Rochtain a fheabhsú ar fhostaíocht, ar oideachas agus ar sheirbhísí, 
• Ag cur le spriocanna dícharbónaithe, 
• Tionchair ar an timpeallacht a íoslaghdú agus  
• Sábháilteacht fhoriomlán an iompair a fheabhsú. 

Dúnadh an t-iarnród bunaidh ón Uaimh go Cluain Saileach sna 1960idí. Athosclaíodh an stráice den iarnród bunaidh ó Chluain Saileach go dtí Ollpháirc M3 in 2010. Cuireadh tús le hoibreacha chun an stráice ón Uaimh go dtí Ollpháirc M3 a athoscailt, ach cuireadh ar feitheamh iad in 2011 mar gheall ar dhúshláin eacnamaíocha a bhí roimh Éirinn ag an am sin.  

Tosaíodh tionscadal reatha Iarnród na hUaimhe ag an tús d’fhonn cloí le reachtaíocht reatha na hÉireann agus AE, riachtanais bheartais agus toimhdí pleanála nuashonraithe. 

Tá Iarnród na hUaimhe ag luathchéim na forbartha. Sula rabhthas in ann tús a chur le tógáil ar bith, b’éigean don tionscadal an próiseas roghnaithe bealaigh a chríochnú, cead pleanála agus maoiniú a aimsiú, agus dul trí na próisis deartha, timpeallachta agus soláthair. 

Cá mhéad stáisiún nua atá molta agus cá háit a mbeidh siad suite? 

Tá ceithre stáisiún nua molta mar chuid den Bhealach is Dealraithí a Roghnófar: Stáisiún Thuaidh na hUaimhe, Stáisiún Láir na hUaimhe, Stáisiún Chill Mheasáin agus Stáisiún Dhún Seachlainn. 

• Sainaithnítear na láithreacha féideartha seo a leanas sna moltaí reatha: 
• Stáisiún Thuaidh na hUaimhe: Ó Bhóthar Ráth Arlain feadh líne iarnróid as úsáid Dhún an Rí 
• Stáisiún Láir na hUaimhe: Idir Bóthar an Iompair agus Bóthar Bhaile Átha Troim (R161) 
• Stáisiún Chill Mheasáin: Ar láithreán úrnua ar an taobh thiar den sráidbhaile a bhfuil rochtain air ón L2205 
• Stáisiún Dhún Seachlainn: Ar láithreán úrnua ar an taobh thiar den bhaile a bhfuil rochtain air ón bpríomhshráid agus ó thimpeallán Ionad Seirbhísí Acomhal 6 M3. 

Ní hiad. Is cuid den Bhealach is Dealraithí a Roghnófar na láithreacha a chuirtear i láthair anois. Leanfar le suíomh, leagan amach agus dearadh mionsonraithe gach stáisiúin a bheachtú de réir mar a fhorbrófar an tionscadal. 

Beidh. Beidh Iarnród na hUaimhe ina shíneadh ar líne DART+ Thiar ó Ollpháirc M3 atá beartaithe. 

Is í an bhrí le hIarnród Leictrithe ná go ndéantar na traenacha ar an líne sin a chumhachtú ag leictreachas seachas ag díosail nó ag breosla iontaise eile. De ghnáth teastaíonn ó Iarnróid Leictrithe go ndéantar Trealamh Línte Lasnairde (OHLE) agus fostáisiúin leictreachais a shuiteáil (cosúil le gréasán DART reatha i mBaile Átha Cliath).

Táthar ag súil go gcuirfear sonraí breise ar fáil maidir leis an mbonneagar leictrithe a theastaíonn ó Iarnród na hUaimhe, lena n-áirítear láithreacha fostáisiún ar bith atá molta, ag céimeanna níos déanaí den dearadh. 

Tá dearadh na gceithre stáisiún nua d’Iarnród na hUaimhe ag céim luath. Rinneamar láithreacha féideartha a shainaithint do gach stáisiún, mar aon le riachtanais i dtaca le páirceáil agus bóthar rochtana. Táthar ag súil go mbeidh dhá ardán san áireamh le gach stáisiún atá molta. Déanfar na stáisiúin a dhearadh chun caighdeáin chomhaimseartha a chomhlíonadh agus le bheith comhtháite le modhanna iompair eile agus busanna, siúl agus rothaíocht san áireamh leo. 

Cuireadh ceist thábhachtach na hinrochtaineachta san áireamh. Táthar ag súil go ndéanfar na stáisiúin a dhearadh chun caighdeáin chomhaimseartha inrochtaineachta agus an dea-chleachtas ábhartha a chomhlíonadh. 

Beidh. Tá saoráidí móra Páirceála agus Taistil molta ag Stáisiún Thuaidh na hUaimhe, ag Stáisiún Chill Mheasáin agus ag Stáisiún Dhún Seachlainn. Táthar ag súil go mbeidh an pháirceáil ag Stáisiún Thuaidh na hUaimhe níos teoranta mar gheall ar a láthair uirbeach. 

Beidh. Tá na stáisiúin beartaithe le bheith comhtháite le modhanna iompair eile, go háirithe seirbhísí bus, bealaí coisithe agus bonneagar do rothaithe. 

Beidh. Nuair a dúnadh Iarnród na hUaimhe sna 1960idí, rinneadh an bonneagar a dhíchóimeáil agus díoladh na tailte. Nuair a gheobhaidh Iarnród na hUaimhe cead pleanála (Ordú Iarnróid) agus nuair a rachaidh sé ar aghaidh chuig céim na tógála, beidh sé riachtanach tailte agus réadmhaoin áirithe a cheannach.  

Ag an gcéim seo tá conair leathan sainaitheanta againn ina bhféadfaí an t-iarnród, stáisiúin, páirceáil agus bonneagar eile atá molta a láithriú. Tá an chonair sin níos leithne ná leithead an iarnróid dheiridh a bheidh ann. Níor deimhníodh tógáil bheacht na talún go fóill. 

Má fuair tú litir ón bhfoireann tionscadail le rá go bhféadfadh tionchar a bheith ag an mBealach is Dealraithí a Roghnófar ar do réadmhaoin, ciallaíonn sé sin go gcuimsítear do réadmhaoin laistigh den chonair leathan ina bhféadfaí an t-iarnród, stáisiúin nó bonneagar eile atá molta a láithriú.  

Is féidir leat teagmháil a dhéanamh lenár bhfoireann tionscadail ar (01) 7034451 nó ag navan@irishrail.ie chun na tionchair fhéideartha ag do réadmhaoin a phlé. 

D’fhéadfadh rochtain a bheith de dhíth ar Iarnród Éireann ar thalamh príobháideach le haghaidh gníomhaíochtaí amhail suirbhéanna nó imscrúduithe. Nuair a bheidh rochtain de dhíth, déanfaimid teagmháil leis an úinéir talún nó leis an áititheoir roimh ré chun cead a iarraidh.

Maidir le tailte ar bith a mbeidh rochtain de dhíth ina leith i gcéimeanna tógála nó oibríochtúla Iarnród na hUaimhe, déanfar iad a shainaithint san iarratas ar Ordú Iarnróid a bheidh le ceadú ag an gCoimisiún Pleanála. 

De réir mar a tharlaíonn le haon tionscadal bonneagair, d’fhéadfadh tionchair a bheith aige go háitiúil le linn na tógála agus an oibriúcháin. Ach ag an gcéim seo, áfach, níl cineál agus raon feidhme na n-oibreacha ag gach láthair tugtha chun críche go fóill. Beidh níos mó sonraí ar fáil de réir mar a dhéanfar an bealach a bheachtú agus a chuirfear na measúnachtaí timpeallachta ar aghaidh. 

Má fuair tú litir ón bhfoireann tionscadail, tá do réadmhaoin suite laistigh den chonair níos leithne reatha agus d’fhéadfadh tionchar a bheith aige uirthi. Mura bhfuair tú litir ach tá imní fós ort, is féidir leat teagmháil a dhéanamh lenár bhfoireann tionscadail ar (01) 7034451 nó ag navan@irishrail.ie chun na tionchair fhéideartha ag do réadmhaoin a phlé. 

Tá do chuid aiseolais agus do léargais maidir leis an mBealach is Dealraithí a Roghnófar, láithreacha stáisiún agus gnéithe eile tábhachtach maidir le deimhniú an Bhealaigh Roghnaithe don tionscadal. 

Cuirtear fáilte roimh do thuairimí faoi cheann ar bith de na nithe seo a leanas:  

• Dearcthaí a d’fhéadfadh a bheith agat faoin mBealach is Dealraithí a Roghnófar agus láithreacha stáisiún
• Cúrsaí timpeallachta le linn thógáil, oibriú nó chothabháil an tionscadail. 
• Eolas áitiúil ar cheart don Fhoireann Deartha bheith ar an eolas faoi, dar leat. 

Is féidir aighneacht a dhéanamh ar líne tríd an bhfoirm aiseolais tionscadail. Is féidir leat teagmháil a dhéanamh leis an bhfoireann tionscadail freisin le ríomhphost, ar an teileafón nó sa phost. 

Déanfar leathanach gréasáin an tionscadail a nuashonrú de réir mar a rachaidh tionscadal Iarnród na hUaimhe ar aghaidh.  

Is féidir leat a iarraidh go gcuirfí tú lenár liosta ríomhphoist d’fhonn nuashonruithe a fháil trí:   

1. Ár bhfoirm freagartha ar chomhairliúchán ar líne a chomhlánú
2. Teagmháil a dhéanamh leis an bhfoireann tionscadail ar an teileafón nó le ríomhphost .

Déanfaidh Iarnród Éireann a dhícheall chun an t-eolas is déanaí a thabhairt do pháirtithe leasmhara uile de réir mar a rachaidh an tionscadal ar aghaidh trí na céimeanna forbartha.  

Beidh. Beidh an fhoireann tionscadail ar fáil chun an tionscadal a phlé ag na himeachtaí faisnéise poiblí dár gcuid: 

• Ionad Ealaíon Solstice na hUaimhe (C15 KWP1) - Dé Céadaoin 27 Bealtaine, 2in - 8in 
• Ionad Tréadach Dhún Seachlainn ( A85 W886) - Déardaoin 4 Meitheamh, 2in - 8in
• Ionad Oideachais na hUaimhe (C15 RK03) - Dé Máirt 9 Meitheamh, 3in - 8in 
• Óstán Theach an Stáisiúin, Cill Mheasáin (C15 N40D) - Dé Máirt 16 Meitheamh, 2in - 8in
• Seimineár Gréasáin ar Líne - Déardaoin 18 Meitheamh, 7:30in - 8:30in 

Déanfaidh an fhoireann tionscadail athbhreithniú ar aighneachtaí uile arna bhfáil le linn thréimhse an chomhairliúcháin. Tríd an aiseolas cuideofar le beachtú an bhealaigh, le forbairt an dearaidh a threorú agus le tacaíocht a thabhairt d’obair na measúnachta timpeallachta de réir mar a rachaidh an tionscadal ar aghaidh i dtreo shainaithint an Bhealaigh Roghnaithe.

Foilseofar tuarascáil ina mbeidh achoimre ar an aiseolas a fuarthas agus ina mbeidh sonraí faoin dóigh ar threoraigh sé forbairt an dearaidh. 

Beidh. Beidh comhairliúchán breise agus rannpháirteachas le páirtithe leasmhara ann de réir mar a chuirfear an tionscadal ar aghaidh.  

Déanfar faisnéis ar bith a cuireadh ar fáil le linn an chomhairliúcháin phoiblí a choinneáil le linn chéim thógála agus deartha an tionscadail. Trí shonraí a chur ar fáil le linn chéim an chomhairliúcháin phoiblí, aontaíonn tú le húsáid sonraí pearsanta i gcomhréir le Ráiteas Príobháideachais Iarnród Éireann atá ar fáil ag www.irishrail.ie/legal/terms-of-use-privacy-statement-cookie-policy chun ligean d’Iarnród Éireann tuiscint níos fearr a fháil ar do chuid riachtanas maidir leis an tionscadal seo.  

Más mian leat, ar chúis ar bith, faisnéis a chur ar fáil nó idirghníomhú leis an tionscadal faoi rún agus más mian leat nach ndéanfaí faisnéis den chineál sin a nochtadh mar gheall ar a nádúr íogair, ansin nuair a chuireann duine nó comhlacht an fhaisnéis ar fáil beidh an duine nó comhlacht sin freagrach as an mhian sin a chur in iúl go soiléir agus na cúiseanna le híogaireacht na faisnéise a shonrú.  

Beidh. Beidh cead pleanála ag teastáil ó Iarnród na hUaimhe chun dul ar aghaidh chuig an tógáil. Déanfar iarratas ar Ordú Iarnróid (cosúil le hiarratas pleanála) a chur faoi bhráid an Choimisiúin Pleanála a mbeidh cinneadh le déanamh aige i leith an tionscadail. 

Is próiseas pleanála reachtúla é Ordú Iarnróid maidir le tionscadail bonneagair iarnróid den chineál seo agus tá sé cosúil a bheag nó a mhór leis an bpróiseas pleanála le haghaidh bonneagar straitéiseach. Tá próiseas iarratais an Ordaithe Iarnróid leagtha amach san Acht Iompair (Bonneagar iarnróid) 2001 arna leasú ag an Acht um Pleanáil agus Forbairt (Bonneagar Straitéiseach), 2006. 

Tá. Tugtar tacaíocht láidir don tionscadal trí chuspóirí beartais náisiúnta, réigiúnacha agus áitiúla, lena n-áirítear dícharbónú iompair, nascacht réigiúnach, fás dlúth agus straitéis iompair Mhórcheantar Bhaile Átha Cliath. 

Táthar ag súil go mbeidh doiciméid theicniúla, líníochtaí agus Tuarascáil na Measúnachta Tionchair Timpeallachta san áireamh leis an iarratas ar Ordú Iarnróid. Leis na doiciméid sin in éineacht le chéile, chuirfí síos ar an tionscadal, shainaithneofaí tionchair dhóchúla agus leagfaí amach maolú molta nuair is gá leis. 

De réir mar a bhíonn i gceist le mórthionscadal bonneagair ar bith, beidh tionchair shealadacha agus bhuana araon ag baint le hIarnród na hUaimhe maidir leis an timpeallacht agus pobail áitiúla. Déanfar gach iarracht trí dhearadh an tionscadail chun a chinntiú go ndéanfar tionchair dhiúltacha a sheachaint, a laghdú nó a mhaolú a oiread agus a bheidh praiticiúil agus go ndéanfar tionchair dhearfacha a uasmhéadú.  

Cuirfear Tuarascáil ar Mheasúnacht Tionchair Timpeallachta (EIAR) isteach mar chuid den iarratas ar Ordú Iarnróid le haghaidh Iarnród na hUaimhe. San EIAR breithneofar na héifeachtaí dóchúla ar an timpeallacht áitiúil agus, nuair is gá, sainaithneofar bearta chun éifeachtaí diúltacha féideartha ar bith a mhaolú.  

Tá Iarnród na hUaimhe faoi réir ag maoiniú, agus beidh sé riachtanach go bhfaighidh an tionscadal na ceaduithe agus an maoiniú a theastaíonn de réir mar a théann sé trí chéimeanna na forbartha.