Comhairliúchán Poiblí 2 

Bileog Chomhairliúchán Poiblí 2  

Bróisiúr Comhairliúchán Poiblí 2  

Bróisiúr Comhairliúchán Poiblí 2 - As Gaeilge 

Cliceáil anseo chun ár bhfoirm freagartha ar chomhairliúchán a chomhlánú ar líne 

Íoslódáil foirm freagartha an chomhairliúcháin 

Líníochtaí an Chomhairliúcháin ar an mBealach Roghnaithe 

Léarscáil idirghníomhach de chonair an Bhealaigh Roghnaithe

Comhairliúchán Poiblí Neamhreachtúil Uimh. 1 - Tuarascáil ar Thorthaí an Chomhairliúcháin  

Athbhreithniú Teicniúil ar Aiseolas ar an mBealach is Dealraithí a Roghnófar

Is é atá i gceist le hIarnród na hUaimhe ná síneadh beartaithe ar ghréasán  iarnróid Iarnród Éireann idir an Uaimh agus Lár Chathair Bhaile Átha Cliath trí Ollpháirc M3.  

Tá an tionscadal á fhorbairt d’fhonn nascacht iompair phoiblí a fheabhsú, chun tacú le fás an daonra agus le fás eacnamaíoch amach anseo, agus chun spleáchas a laghdú ar charranna príobháideacha. Tacaíonn sé freisin le cuspóirí beartais náisiúnta, réigiúnacha agus áitiúla níos leithne lena n-áirítear dícharbónú, nascacht réigiúnach agus fás dlúth. 

Is é cuspóir uileghabhálach tionscadal Iarnród na hUaimhe ná rogha iompair phoiblí a chur ar fáil atá rialta, iontaofa, comhtháite, inbhuanaithe agus tarraingteach. Is é cuspóir an tionscadail freisin ná rogha iompair phoiblí a sholáthar lena gcuirtear nascacht shábháilte le hardtoilleadh paisinéirí ar fáil idir an Uaimh, Mórcheantar Chathrach Bhaile Átha Cliath agus na ceantair uirbeacha atá eatarthu.  

Áirítear na nithe a leanas le fo-chuspóirí an tionscadail:

• Ag tacú le fás dlúth 
• Spleáchas ar charranna agus plódú tráchta a laghdú 
• Rochtain a fheabhsú ar fhostaíocht, ar oideachas agus ar sheirbhísí 
• Ag cur le spriocanna dícharbónaithe 
• Tionchair ar an timpeallacht a íoslaghdú  
• Sábháilteacht fhoriomlán an iompair a fheabhsú 

Tá an tionscadal á fhorbairt agus á chur i gcrích ag Iarnród Éireann i gcomhar leis an Údarás Náisiúnta Iompair mar an t-údarás ceadaithe don tionscadal. 

Is é an Bealach Roghnaithe an chonair inar moladh  an t-iarnród, na stáisiúin, páirceáil agus an bonneagar gaolmhar a lonnú.  

Sainaithníodh an Bealach Roghnaithe tar éis próiseas roghnúcháin céim ar chéim láidir maidir leis na roghanna a bhí ann. Chuir aiseolas a fuarthas mar chuid den chéad chomhairliúchán bonn eolais faoi chlár staidéar agus measúnuithe breise a raibh coigeartuithe spriocdhírithe ina dtoradh orthu ar an gconair a cuireadh i láthair ag céim an Bhealaigh is Dealraithí a Roghnófar.  

Síneann conair an Bhealaigh Roghnaithe ón Uaimh go hOllpháirc M3, áit a nascfar í leis an ngréasán iarnróid atá ann cheana féin i dtreo Lár Chathair Bhaile Átha Cliath.  

Déanfar an Bealach Roghnaithe a mhionchoigeartú a thuilleadh le linn na chéad chéime eile den tionscadal, ag breithniú aiseolais a gheofar mar chuid den dara comhairliúchán seo, agus trí na próisis réamhdhearaidh agus measúnachta timpeallachta freisin.   

Cuirfear go leor tairbhí ar fáil le tionscadal Iarnród na hUaimhe, lena n-áirítear:  

• DART+ a shíneadh chuig an Uaimh le seirbhísí traenach rialta agus ardtoillte paisinéirí 
• Ag nascadh pobal feadh an bhealaigh le gréasán iarnróid na hÉireann atá comhtháite agus ag méadú. Is í an Uaimh an baile is mó in Éirinn nach bhfuil suite faoi láthair ar an ngréasán iarnróid. 
• Fás sóisialta agus eacnamaíoch amach anseo a éascú i gceantar an tionscadail  
• Roghanna iompair inbhuanaithe agus spleáchas laghdaithe ar charranna a spreagadh.  
• Rochtain ar sheirbhísí a fheabhsú do phobail feadh an bhealaigh agus taisteal go Co. na Mí ar an traein a spreagadh  

Dúnadh an t-iarnród bunaidh ón Uaimh go Cluain Saileach sna 1960idí. Athosclaíodh an stráice den iarnród bunaidh ó Chluain Saileach go hOllpháirc M3 in 2010. Cuireadh tús le hoibreacha chun an stráice a athoscailt idir an Uaimh agus Ollpháirc M3, ach cuireadh ar fionraí iad in 2011.  

Tosaíodh tionscadal reatha Iarnród na hUaimhe ag an tús d’fhonn cloí le reachtaíocht reatha na hÉireann agus an AE, riachtanais beartais agus toimhdí pleanála nuashonraithe. 

Tá Iarnród na hUaimhe ag luathchéim na forbartha. Beidh obair dearaidh bhreise agus tuilleadh measúnachtaí timpeallachta de dhíth sula ndéanfar iarratas ar Ordú Iarnróid agus a thaisceadh leis an gCoimisiún Pleanála. Sula mbeifear in ann tús a chur le tógáil, ní mór cead pleanála agus maoiniú a aimsiú de réir mar a théann an tionscadal trí na próisis riachtanacha dearaidh, timpeallachta agus soláthair. 

Rinneadh athbhreithniú cúramach ar gach aighneacht a fuarthas le linn an chomhairliúcháin ar an mBealach is Dealraithí a Roghnófar. Sainaithníodh príomhábhair imní arna n-ardú sna haighneachtaí agus thug foireann an tionscadail fúthu.  

Chuir aiseolas an chomhairliúcháin bonn eolais faoi chlár measúnachtaí innealtóireachta, iompair, timpeallachta agus teicniúla. Bhí an obair sin ina cuidiú freisin le deiseanna a shainaithint chun an bealach beartaithe a mhionchoigeartú, freagairt a thabhairt ar aiseolas a tugadh le linn an chomhairliúcháin agus tacú le Bealach Roghnaithe le haghaidh Iarnród na hUaimhe a roghnú. 

Leanfaidh torthaí an chomhairliúcháin de bhonn eolais a chur faoi fhorbairt an tionscadail le linn céim an réamhdhearaidh agus na measúnachtaí timpeallachta, in éineacht leis an aiseolas a gheofar mar chuid den dara comhairliúchán seo.  

Chuir an t-aiseolas a thug pobail, úinéirí talún, páirtithe leasmhara agus baill an phobail bonn eolais faoi chlár anailíse breise agus staidéar teicniúil. Rinneadh iarracht leis an obair sin tuiscint níos fearr a fháil ar na deiseanna, na srianta agus na saincheisteanna áitiúla a sainaithníodh le linn an chomhairliúcháin agus chun tacú le Bealach Roghnaithe  a phiocadh d’Iarnród na hUaimhe.  

Tá sonraí breise ar na measúnuithe a rinneadh, ar a dtorthaí agus ar na hathruithe beartaithe san áireamh i dtuarascáil an Athbhreithnithe Theicniúil ar Aiseolas ar an mBealach is Dealraithí a Roghnófar. 

Tá ceithre stáisiún nua beartaithe mar chuid den Bhealach Roghnaithe: Stáisiún Thuaidh na hUaimhe, Stáisiún Lárnach na hUaimhe, Stáisiún Chill Mheasáin agus Stáisiún Dhún Seachlainn. 

Sainaithnítear na láithreacha a leanas sna moltaí reatha: 

• Stáisiún Thuaidh na hUaimhe: Ó Bhóthar Ráth Arlain feadh líne iarnróid Dhún an Rí atá as úsáid. 
• Stáisiún Lárnach na hUaimhe: Idir Bóthar an Iompair agus Bóthar Bhaile Átha Troim (R161) 
• Stáisiún Chill Mheasáin: Ar láithreán úrnua ar an taobh thiar den tsráidbhaile a bhfuil rochtain air ón L2205 
• Stáisiún Dhún Seachlainn: Ar láithreán úrnua ar an taobh thiar den bhaile a bhfuil rochtain air ón bPríomhshráid agus ó thimpeallán Ionad Seirbhísí Acomhal 6 M3. 

Beidh. Beidh Iarnród na hUaimhe ina shíneadh ar líne DART+ Thiar ó Ollpháirc M3 atá beartaithe. 

Is í an bhrí le hiarnród leictrithe ná go ndéantar na traenacha ar an líne sin a chumhachtú le  leictreachas seachas le díosail nó ag breoslaí iontaise eile. De ghnáth teastaíonn ó iarnróid leictrithe go ndéantar Trealamh Línte Lasnairde (OHLE) agus fostáisiúin leictreachais a shuiteáil (cosúil le gréasán DART reatha i mBaile Átha Cliath).

Leanfar le dearadh na gceithre stáisiún nua le linn na chéad chéime eile d’fhorbairt an tionscadail. Déanfar na stáisiúin a dhearadh chun caighdeáin chomhaimseartha a chomhlíonadh agus le bheith comhtháite le modhanna iompair eile agus busanna, siúl agus rothaíocht san áireamh leo. 

Cuireadh ceist thábhachtach na hinrochtaineachta san áireamh. Déanfar na stáisiúin a dhearadh chun caighdeáin chomhaimseartha inrochtaineachta agus an dea-chleachtas ábhartha a chomhlíonadh. 

Beidh. Tá saoráidí móra Páirceála agus Taistil beartaithe ag Stáisiún Thuaidh na hUaimhe, ag Stáisiún Chill Mheasáin agus ag Stáisiún Dhún Seachlainn. Táthar ag súil go mbeidh an pháirceáil ag Stáisiún Láir na hUaimhe níos teoranta mar gheall ar a láthair uirbeach. 

Beidh. Nuair a dúnadh Iarnród na hUaimhe sna 1960idí, rinneadh an bonneagar a dhíchóimeáil agus díoladh na tailte.  

Dá mba rud é go bhfaigheadh an tionscadal cead pleanála trí phróiseas an Ordaithe Iarnróid, cheadófaí cumhachtaí Ceannaigh Éigeantaigh don tionscadal ionas gur féidir tús a chur le fáil na talún agus na réadmhaoine a theastaíonn chun an tionscadal a chur i gcrích. Ag an gcéim seo tá conair leathan sainaitheanta ag Iarnród Éireann ina bhféadfaí an t-iarnród, stáisiúin, páirceáil agus bonneagar eile atá beartaithe a lonnú. Tá an chonair sin níos leithne ná leithead an iarnróid dheiridh a bheidh ann. Níor deimhníodh tógáil bheacht na talún go fóill. Déanfar gach iarracht chun tionchair a íoslaghdú ar thailte máguaird agus leanfar le comhairliúchán le húinéirí talún a bhfuil tionchar aige orthu nó a bhfuil seans ann go mbeidh tionchar aige orthu ar feadh fhorbairt an tionscadail.  

Má fuair tú litir ón bhfoireann tionscadail le rá go bhféadfadh tionchar a bheith ag an mBealach Roghnaithe ar do réadmhaoin, ciallaíonn sé sin go gcuimsítear do réadmhaoin laistigh den chonair ina bhféadfaí an t-iarnród, stáisiúin nó bonneagar eile (sealadach nó buan) atá beartaithe a lonnú.  

Déanfar gach iarracht chun tionchair a íoslaghdú ar thailte máguaird agus leanfar le comhairliúchán le húinéirí talún a bhfuil tionchar aige orthu nó a bhfuil seans ann go mbeidh tionchar aige orthu ar feadh forbairt an tionscadail. 

Is féidir leat teagmháil a dhéanamh lenár bhfoireann tionscadail ar (01) 703 4451 nó ag navan@irishrail.ie chun na tionchair fhéideartha ar do réadmhaoin a phlé. 

D’fhéadfadh rochtain a bheith de dhíth ar Iarnród Éireann ar thalamh príobháideach le haghaidh gníomhaíochtaí amhail suirbhéanna nó imscrúduithe. Nuair a bheidh rochtain de dhíth, déanfaidh Iarnród Éireann teagmháil leis an úinéir talún nó leis an áititheoir roimh ré chun cead a iarraidh. 

Maidir le tailte ar bith a mbeidh rochtain de dhíth ina leith i gcéimeanna tógála nó oibríochtúla Iarnród na hUaimhe, déanfar iad a shainaithint san iarratas ar Ordú Iarnróid a bheidh le ceadú ag an gCoimisiún Pleanála. 

De réir mar a tharlaíonn le haon tionscadal bonneagair, d’fhéadfadh tionchair a bheith aige go háitiúil le linn na tógála agus an oibriúcháin. Trí dhearadh an tionscadail, déanfar gach iarracht chun a chinntiú go ndéanfar tionchair a sheachaint, a laghdú nó a mhaolú a oiread agus is praiticiúil. San áireamh leis an gcéad chéim eile den tionscadal beidh measúnachtaí timpeallachta ar an mbealach iomlán lena mbreithneofar tionchair dhóchúla ar bith ar dhaoine atá ina gcónaí gar don bhealach agus lena molfar athruithe ar an dearadh nó bearta maolaithe más gá. 

Má fuair tú litir ón bhfoireann tionscadail, tá do réadmhaoin suite laistigh de chonair an Bhealaigh Roghnaithe d’fhéadfadh tionchar a bheith aige uirthi. Mura bhfuair tú litir ach smaoiníonn tú go bhféadfadh tionchar a bheith aige ort, is féidir leat teagmháil a dhéanamh lenár bhfoireann tionscadail ar (01) 703 4451 nó ag navan@irishrail.ie chun na tionchair fhéideartha ar do réadmhaoin a phlé. 

Is féidir aighneacht a dhéanamh ar líne trí fhoirm aiseolais an tionscadail. Is féidir leat teagmháil a dhéanamh leis an bhfoireann tionscadail freisin le ríomhphost, ar an teileafón nó sa phost. 

Déanfar leathanach gréasáin an tionscadail a nuashonrú de réir mar a rachaidh tionscadal Iarnród na hUaimhe ar aghaidh.   

Is féidir leat iarraidh go gcuirfí tú ar liosta ríomhphoist tionscadail dár gcuid d’fhonn nuashonruithe a fháil trí na nithe a leanas a dhéanamh:   

1. Comhlánaigh an fhoirm fhreagartha ar chomhairliúchán ar líne  

Leis an nasc sin tabharfar thú chuig suíomh gréasáin nua (eu.simplystakeholder.com) chun an fhoirm freagartha a chomhlánú 

      2. Teagmháil a dhéanamh leis an bhfoireann tionscadail ar an teileafón nó le ríomhphost  

Coinneoidh Iarnród Éireann na páirtithe leasmhara uile ar an eolas is déanaí de réir mar a rachaidh an tionscadal ar aghaidh trí chéimeanna na forbartha.

Beidh. Beidh an fhoireann tionscadail ar fáil chun an tionscadal a phlé ag na himeachtaí faisnéise poiblí: 

• Ionad Ealaíon Solstice na hUaimhe (C15 KWP1) 

18 Samhain, 16:00-20:00 

• Óstán Theach an Stáisiúin, Cill Mheasáin (C15 N40D) 

 24 Samhain, 16:00-20:00 

• Ionad Tréadach Dhún Seachlainn ( A85 W886) 

3 Nollaig , 16:00 – 20:00 

• Seimineár Gréasáin Poiblí ar Líne - cláraigh anseo  

X Nollaig, 19:00-20:00 

Déanfaidh an fhoireann tionscadail athbhreithniú ar na haighneachtaí uile a gheofar le linn thréimhse an chomhairliúcháin. Leis an aiseolas, cuideofar le mionchoigeartú an bhealaigh, le forbairt an dearaidh a threorú agus le tacaíocht a thabhairt d’obair na measúnachta timpeallachta de réir mar a rachaidh an tionscadal ar aghaidh go dtí na chéad chéimeanna eile.

Foilseofar tuarascáil ina mbeidh achoimre ar an aiseolas a fuarthas agus ina mbeidh sonraí faoin dóigh ar threoraigh sé forbairt an dearaidh. 

Leanfar le rannpháirteachas le pobail, le páirtithe leasmhara agus le húinéirí réadmhaoine de réir mar a rachaidh an tionscadal tríd an réamhdhearadh agus tríd an measúnacht timpeallachta. 

Tar éis an t-aiseolas a fuarthas le linn an chomhairliúcháin a bhreithniú agus tar éis moltaí dearaidh a fhorbairt a thuilleadh, déanfar iarratas ar Ordú Iarnróid (cosúil le hiarratas pleanála) a ullmhú agus a thaisceadh leis an gCoimisiúin Pleanála (CP).  

Tar éis an t-iarratas ar Ordú Iarnróid a thaisceadh, reáchtálfaidh an Coimisiún Pleanála comhairliúchán reachtúil trínar féidir aiseolas breise a chur isteach chuig an gCoimisiún. 

Beidh. Beidh cead pleanála ag teastáil ó Iarnród na hUaimhe chun dul ar aghaidh chuig an tógáil. Déanfar iarratas ar Ordú Iarnróid (cosúil le hiarratas pleanála) a chur faoi bhráid an Choimisiúin Pleanála a mbeidh cinneadh le déanamh aige i leith an tionscadail.

Is próiseas pleanála reachtúil é Ordú Iarnróid maidir le tionscadail bonneagair iarnróid den chineál seo agus tá sé cosúil a bheag nó a mhór leis an bpróiseas pleanála le haghaidh bonneagar straitéiseach. Tá próiseas iarratais an Ordaithe Iarnróid leagtha amach san Acht Iompair (Bonneagar Iarnróid) 2001 arna leasú ag an Acht um Pleanáil agus Forbairt (Bonneagar Straitéiseach), 2006. 

Tá. Tugtar tacaíocht láidir don tionscadal trí chuspóirí beartais náisiúnta, réigiúnacha agus áitiúla, lena n-áirítear dícharbónú iompair, nascacht réigiúnach, fás dlúth agus Straitéis Iompair Mhórcheantar Bhaile Átha Cliath. 

Táthar ag súil go mbeidh doiciméid theicniúla, líníochtaí agus Tuarascáil na Measúnachta Tionchair Timpeallachta san áireamh leis an iarratas ar Ordú Iarnróid. In éineacht le chéile, chuirfí síos sna doiciméid sin ar an tionscadal, shainaithneofaí tionchair dhóchúla agus leagfaí amach maolú beartaithe nuair is gá.

De réir mar a bhíonn i gceist le mórthionscadal bonneagair ar bith, beidh tionchair shealadacha agus bhuana araon ag baint le hIarnród na hUaimhe maidir leis an timpeallacht agus pobail áitiúla. Déanfar gach iarracht trí dhearadh an tionscadail chun a chinntiú go ndéanfar tionchair dhiúltacha a sheachaint, a laghdú nó a mhaolú a oiread agus a bheidh praiticiúil agus go ndéanfar tionchair dhearfacha a uasmhéadú.   

Cuirfear Tuarascáil ar an Measúnú  Tionchair Timpeallachta (EIAR) isteach mar chuid den iarratas ar Ordú Iarnróid le haghaidh Iarnród na hUaimhe. San EIAR breithneofar na héifeachtaí dóchúla ar an timpeallacht áitiúil agus, nuair is gá, sainaithneofar bearta chun éifeachtaí diúltacha féideartha ar bith a mhaolú.  

Tá Iarnród na hUaimhe faoi réir maoinithe, agus beidh sé riachtanach go bhfaighidh an tionscadal na ceaduithe agus an maoiniú a theastaíonn de réir mar a rachaidh sé trí chéimeanna na forbartha.