Cairt Custaiméirí

Geallúintí Uainne dár Seirbhís do Chustaiméirí

Clár

• Fáilte chuig ár gcairt do phaisinéirí
• Ar ngeallúintí duitse
• Ár bhFeidhmíocht
• Íocaíochtaí Cúitimh i gcás moille
• Gearáin, Tuairimí agus Moltaí
• Sonraí Teagmhála

Fáilte chuig ár gcairt do phaisinéirí

Leagtar amach inár gCairt Custaiméirí ár dtiomantais do sheirbhís do chustaiméirí, mar chuid de ghréasán Iompar na hÉireann faoinár gconradh leis an Údarás Náisiúnta Iompair (ÚNI). Is é an aidhm atá againn ná seirbhís shábháilte, iontaofa agus inrochtana a sholáthar dár gcustaiméirí.

Ag Iarnród Éireann, tá gach custaiméir tábhachtach dúinn cibé an bhfuil tú ag taisteal linn gach lá nó an chéad turas atá agat. Léiríonn an Chairt Custaiméirí ár dtiomantas an custaiméir a chur i gcroílár ár ngnó.

Le tabhairt isteach Rialacháin agus Cearta Paisinéirí i leith taisteal iarnróid, Rialachán (CE) Uimh. 2021/782 ó Pharlaimint na hEorpa leagtar amach freisin cearta sonracha do chustaiméirí iarnróid agus tá siad corpraithe sa chairt seo.

Ó thugamar isteach an chairt den chéad uair i 1999, tá athrú mór tagtha ar ár n-ionchais gnó agus ár gcustaiméirí. Tá uasghrádú déanta againn ar ár dtraenacha, tá uasghrádú déanta againn ar ár stáisiúin le go mbeidh siad níos inrochtana do chách agus thugamar isteach Oifigigh Sheirbhíse do Chustaiméirí ar bord ar ár Seirbhísí Idirchathracha.

Tabharfaidh tiomantas mo chomhghleacaithe Iarnrod Éireann ar fud na tíre deis dúinn ár ngeallúintí a chomhlíonadh duit sa Chairt Custaiméirí seo, agus leanúint ar aghaidh ag feabhsú taithí an chustaiméara amach anseo.

Jim Meade

Príomhfheidhmeannach

Ar ngeallúintí duitse

I gcomhréir leis na Treoirlínte maidir le Pleananna Gníomhaithe do Chustaiméirí agus Cairteacha, atá mar chuid de Thionscnamh Sheirbhís Ardchaighdeáin do Chustaiméirí (QCS) an Rialtais, leagtar amach inár gCairt Custaiméirí na caighdeáin agus na spriocanna atá beartaithe againn a bhaint amach agus conas a chuirfimid ar fáil iad.

• Infhaighteacht: Déanfaimid gach iarracht a chinntiú go mbeidh ár n-áiseanna agus ár seirbhísí ar fáil mar a fógraíodh iad.
• Compord: Cuirfimid áiseanna agus seirbhísí ar fáil a chabhróidh leat taitneamh a bhaint as eispéireas taistil compordach.
• Inrochtaineacht: Leanfaimid orainn ag déanamh ár ngréasán chomh inrochtana agus is féidir do gach duine inár bpobal.
• Eolas: Déanfaimid ár ndícheall tú a choinneáil ar an eolas go maith ag gach céim den turas, go háirithe má théann rudaí amú.
• Cúram: Cuirfimid ár seirbhísí ar fáil le cúram cuí agus caithfimid le meas agus le dínit thú.
• Éagsúlacht agus Ionchuimsiú: Caithfimid go cothrom le gach duine beag beann ar inscne, stádas sibhialta, stádas teaghlaigh, claonadh gnéasach, reiligiún, aois, míchumas, cine nó ballraíocht i bpobal an Lucht Siúil.
• Nuálaíocht: Bainfimid úsáid as an aiseolas a fhaighimid uait chun bealaí nua a lorg chun an taithí taistil a fheabhsú.
• Sábháilteacht agus slándáil: Cuirfimid timpeallacht taistil shábháilte agus shlán ar fáil.
• Tráthúlacht: Díreoimid ar tú a thabhairt go dtí an áit ar mhaith leat a bheith in am.
• Cur i láthair: Coinneoimid ár n-áiseanna, ár n-eolas agus ár gcomharthaí chun iad a choinneáil glan, i láthair go maith agus i riocht maith.
• Inbhuanaitheacht: Déanfaimid machnamh ar thionchar comhshaoil ár seirbhísí agus déanfaimid ár ndícheall a chinntiú go bhfuil siad ag éirí níos inbhuanaithe.

Chun tuilleadh eolais a fháil, téigh chuig ár Coinníollacha Iompair.

Ár bhfeidhmíocht

Táimid tiomanta dár seirbhís a fheabhsú agus ár bhfeidhmíocht a thomhas agus monatóireacht a dhéanamh go rialta chun a chinntiú go bhfuil an tseirbhís is fearr á tairiscint againn duit.

Ár spriocanna: Sásamh do chustaiméirí 90%

Fostaíonn muid comhlacht taighde neamhspleách chun agallamh a chur ar chustaiméirí ar feadh na bliana faoina dtaithí lenár seirbhísí. Úsáidtear na sonraí chun ár scór sástachta custaiméirí a oibriú amach. Is é seo an céatadán dár gcustaiméirí atá sásta lenár seirbhís. Bainimid úsáid as an taighde ón Suirbhé ar Shástacht Custaiméirí chun insint dúinn faoi conas is féidir linn leanúint ar aghaidh ag seachadadh leibhéil arda sástachta custaiméirí.

Poncúlacht seirbhíse: Imíonn 90% de na seirbhísí laistigh de chúig nóiméad ón am imeachta fógraithe

Tomhaisimid poncúlacht ár seirbhísí go léir ag gach stáisiún. Úsáidtear na sonraí chun ár scór poncúlachta seirbhíse a oibriú amach. Bainimid úsáid as na sonraí seo chun monatóireacht a dhéanamh ar ár bhfeidhmíocht agus chun réimsí a aithint inar féidir linn ár n-amchláir a fheabhsú.

Feidhmíocht cáilíochta seirbhíse

Déanann an tÚdarás Náisiúnta Iompair cigireachtaí rialta ar ár seirbhísí chun monatóireacht a dhéanamh ar fheidhmíocht i gcoinne sraith caighdeán ard seirbhíse. Úsáidtear na cigireachtaí seo chun Pointí Feidhmíochta a oibriú amach, a chuirtear leis gach uair nach féidir linn na caighdeáin a sheachadadh ina n-iomláine. Má sháraíonn muid líon sainithe pointí, gearrann an tÚdarás Náisiúnta Iompair pionós orainn as mainneachtain an caighdeán comhaontaithe a chomhlíonadh. Is féidir sonraí na gcritéar agus ár bhfeidhmíocht is déanaí a fháil ar shuíomh gréasáin an Iompair Náisiúnta www.nationaltransport.ie. 

Íocaíochtaí Cúitimh i gcás moille

Aisíocaíochtaí ar thicéid a cheannaítear ag oifigí ticéad nó ag meaisíní díola ticéad

Sa chás go mbeidh tú níos mó ná 60 nóiméad déanach ag baint do stáisiún ceann scríbe amach, tabharfaimid duit dearbháin lascaine is féidir a úsáid chun ticéid a cheannach amach anseo, nó íocfaimid cúiteamh airgid faoi Regulation (EC) No 2021/782 of the European Parliament.

Bunófar luach na ndearbhán nó an cúiteamh airgid* ar fhad na moille agus ar an táille a íocadh as an turas singil ar cuireadh moill air, mar seo a leanas:

Faoi láthair, ní thairgeann Iarnrón Éireann cúiteamh as moilleanna carnacha do shealbhóirí ticéid séasúir.

Lascainí sa chás go dteipeann orainn an tseirbhís ar íoc tú aisti a thabhairt duit

Sa chás nach bhfuil an suíochán a chuir tú in áirithe ar fáil agus mura bhfuil suíochán ar bith eile den chaighdeán céanna ar fáil, aisíocfaimid táille do thurais shingil ar an gcárta lena ndearnadh an áirithint.

Do thraein a chur ar ceal, moill sula dtosaíonn do thuras nó lena linn.

Sa chás go gcuirtear ceal ar do thraein, nó sa chás go mbíonn moill 60 nóiméad nó níos mó uirthi, tabharfaimid na roghanna seo a leanas duit:

• Féadfaidh tú éirí as do thuras sula dtosaíonn sé agus aisíocaíocht iomlán a fháil ar an táille nó iarratas ar aisíocaíocht a dhéanamh sa chás go ndearnadh an áirithint ar líne nó ar ár líne díolacháin teileafóin
• Féadfaidh tú scor de thuras a thosaigh tú agus aisíocaíocht a fháil ar an gcuid den turas nach ndearna tú
• Murar fiú duit leanúint ar aghaidh le do thuras, féadfaidh tú filleadh láithreach ar thúsphointe do thurais ar an traein agus aisíocaíocht iomlán ar an táille a fháil nó iarratas ar aisíocaíocht a dhéanamh sa chás gur cuireadh do thicéad in áirithe ar líne nó ar an líne díolacháin teileafóin

Traein deiridh an lae a chailleadh

Sa chás nach mbeidh tú in ann do cheann scríbe iarnróid a bhaint amach an lá céanna mar gheall gur chaill tú traein, seans go mbeidh tú i dteideal cúitimh ar chostas réasúnta cóiríochta in óstán agus ar an gcostas gaolta nó daoine eile a bhí ag súil leat a chur ar an eolas. Níl feidhm leis sin ach amháin sa chás go raibh cúis na moille faoi smacht ag Iarnród Éireann.

Conas do dhearbháin lascaine nó cúiteamh a éileamh

Nuair a dhéanann tú iarratas ar aisíocaíocht, cuir san áireamh le do thoil:

• Sa chás gur ceannaíodh é i stáisiún nó trí mheaisín díola ticéad – Ceangail cóip de do thicéad
• Sa chás gur ceannaíodh do thicéad ar líne, cuir san áireamh – an uimhir áirithinte – déanfaimid aisíoc chuig an gcárta ar a ndearnadh an áirithint.

Reachtaíocht Eorpach - Do Chearta

Agus turas d’iarnród á dhéanamh agat, leagtar amach do chearta faoin gCairt Paisinéirí. Leagtar amach freisin le tabhairt isteach reatha Rialacháin agus Cearta Paisinéirí i leith taisteal iarnróid, Rialachán (CE) Uimh. 2021/782 ó Pharlaimint na hEorpa cearta sonracha do chustaiméirí iarnróid, atá corpraithe sa chairt seo. Le haghaidh tuilleadh sonraí féach Rialachán (CE) Uimh 2021/782 ó Pharlaimint na hEorpa.

Sa chás nach bhfuil tú sásta leis an tslí a d'fhreagair an oifig Cúram Custaiméirí le gearán a rinneadh faoi Rialachán Uimh. 1371/2007 (CE), féadfaidh tú teagmháil a dhéanamh leis an Údarás Náisiúnta Iompair (NTA) le hathbhreithniú neamhspleách ar do ghearán a fháil. 

Gearáin, tuairimí agus moltaí

Más mian leat gearán, tuairim nó moladh a dhéanamh faoi do thuras, ba mhaith linn cloisteáil uait.

Glao Áitiuil 0818 294 015 nó ar +353 1575 6110 ó lasmuigh de Phoblacht na hÉireann.

• Ó 07:00 go 19:00, Luan go hAoine (gan laethanta saoire poiblí san áireamh)
• Ó 08:00 go 18:00 Dé Sathairn
• Ó 10:00 go 16:00 Dé Domhnaigh agus ar laethanta saoire poiblí (gan Lá Nollag san áireamh)

Má ghlaonn tú, beidh sé mar aidhm againn labhairt leat laistigh de 60 soicind.

Chomh maith leis sin, má iarrann tú, tá foireann againn ar féidir leo labhairt leat i nGaeilge.

Más mian leat ríomhphost a sheoladh chugainn, is féidir leat teagmháil a dhéanamh linn tríd an suíomh gréasáin Transport for Ireland.

Tá sé mar aidhm againn freagra a thabhairt ar theachtaireachtaí laistigh de lá oibre amháin agus freagra iomlán a thabhairt laistigh de chúig lá oibre déag.

Tabharfaimid freagra i nGaeilge ar theachtaireachtaí a fhaightear i nGaeilge agus i mBéarla ar gach teachtaireacht eile.

Gearáin

Is mór againn gach gearán a fhaighimid. B’fhéidir go dtógfaidh sé níos faide roinnt gearán a fhiosrú, ach coinneoimid ar an eolas thú fad a bheidh imscrúdú ar siúl.

Mura bhfuil tú sásta leis an bhfreagra ar ghearán, is féidir leat a iarraidh go ndéanfaí athbhreithniú ar an ngearán.

Earraí Caillte

Tabharfar earraí a fhaightear ar ár seirbhís isteach san oifig earraí caillte is gaire, laistigh de lá oibre amháin. Go ginearálta coinnítear earraí caillte ar feadh tréimhse míosa.

Féadfaimid táille láimhseála a ghearradh chun d'earraí caillte a thabhairt ar ais.

Sonraí teagmhála

Fón: 0818 294 015 or +353 1575 6110

X: @TFIUpdates

Gréasáin: transportforireland.ie

Litir: Transport for Ireland, Bosca Poist 13739, Cloich na Coillte, Co. Chorcaí

I láthair go pearsanta

Cúram do Chustaiméirí, Stáisiún Uí Chonghaile, Sráid Amiens, Baile Átha Cliath 1.

Earraí Caillte

Email: lostproperty@irishrail.ie 

Oifigeach Rochtana

Más gá duit teagmháil a dhéanamh lenár nOifigeach Inrochtana, déan teagmháil le: access@irishrail.ie 

Cosaint Sonraí

Má tá aon cheist agat faoin úsáid a bhainimid as do shonraí pearsanta, déan teagmháil lenár nOifigeach Cosanta Sonraí: dpo@irishrail.ie